ABŞ-də Livan və İsrail arasında danışıqlar başa çatıb

Livan və İsrail nümayəndələri arasında münaqişənin tənzimlənməsi üzrə görüş iki saatdan çox davam edib.

Gundem.today bu barədə "Axios" portalına istinadən xəbər verir.

"ABŞ dövlət katibi Marko Rubionun İsrail və Livan səfirləri arasında keçirdiyi görüş başa çatıb. Görüş iki saatdan çox davam edib", - deyə portalın jurnalisti Barak Ravid "X" sosial şəbəkəsində yazıb.

Görüşlə bağlı digər təfərrüat verilmir.

Vaşinqtonda İsrail və Livan arasında 33 ildən sonra ilk birbaşa danışıqlar başlayıb. Danışıqlarda ABŞ dövlət katibi Marko Rubio da iştirak edir.

Gundem.today bu barədə newsru.co.il saytına istinadən xəbər verir.

1948-ci ildən müharibə vəziyyətində olan dövlətləri ABŞ-dəki səfirlər Yexiel Leyter və Nada Hamad Moavad təmsil edirlər. Onlar bir-birinin əlini sıxmaqdan çəkiniblər. Danışıqlarda ABŞ Prezidenti Donald Trampın dostu, ABŞ-nin Livandakı səfiri Mişel İssa da iştirak edir.

"Biz sadəcə atəşkəsdən deyil, Livanda "Hizbullah"ın 20-30 illik təsirinə son qoymağa çağırılmış daimi nizamlamadan danışırıq. Altı saata bütün problemləri həll edə bilməyəcəyik, lakin bu, irəliyə doğru hərəkətə başlamaq üçün tarixi şansdır", - deyə Rubio bildirib.

Qeyd edək ki, ölkələrin nümayəndələri arasında birbaşa danışıqlar sonuncu dəfə 1993-cü ildə baş tutub.

Xəbər maraqlı gəlib? Sosial şəbəkələrdə paylaşın