Asudə vaxtını dəyərləndirməklə başlayan sənət: Təbii ağacdan dekorativ əşyalar və oyuncaqlar - FOTOREPORTAJ

Ağac materiallarından müxtəlif əl işlərinin ərsəyə gəldiyi xarratlıq emalatxanasında uşaq oyuncaqları, mebellər və dekorativ əşyalar hazırlanır.

Gundem.today PhotoStock.az-a istinadən bildirir ki, emalatxananın sahibi, 47 yaşlı Əziz Hüseynzadə artıq səkkiz ildir xarratlıq sənəti ilə məşğuldur.

O, ixtisasca riyaziyyatçı olsa da, sonradan bu sahəyə maraq göstərməyə başlayıb.

İlk vaxtlar boş zamanlarını dəyərləndirmək üçün başladığı bu iş zamanla onun əsas fəaliyyətinə çevrilib. Əziz Hüseynzadə bildirir ki, xarratlıq yaradıcılıq tələb edən sənət olduğu üçün hər dəfə yeni nəsə öyrənmək mümkündür.

O, zamanla özünə komanda toplayaraq emalatxananı daha da inkişaf etdirib. Burada hazırlanacaq məhsulun əvvəlcə çertyoju çəkilir, daha sonra xammal doğranır, hamarlanır, forma verilir və sonda quraşdırılaraq hazır vəziyyətə gətirilir.

Əşyaların hazırlanmasında şam ağacı ilə yanaşı, daha davamlı olan qoz, palıd və fıstıq kimi ağaclardan da istifadə olunur.

Təbii ağac materiallarından əl işlərinin hazırlandığı xarratlıq emalatxanasından fotoreportajı təqdim edirik:

Daha çox foto burada: PhotoStock.az

Xəbər maraqlı gəlib? Sosial şəbəkələrdə paylaşın