Daha üç rayonda bir neçə kənd QAZSIZ QALACAQ

Şəmkir, Tovuz və Qazax rayonlarının bəzi kəndlərində qaz təchizatında müvəqqəti fasilə yaranacaq.

Gundem.today xəbər verir ki, bu barədə Şəmkir Regional Qaz İstismarı İdarəsi məlumat yayıb.

Bildirilib ki, payız-qış mövsümünə hazırlıq işləri ilə əlaqədar mayın 6-da saat 09:30-dan işlər yekunlaşanadək Şəmkir rayonunun Mahmudlu kəndində, Tovuz rayonunun Hunanlar və Aşağı Mülkülü kəndlərində, həmçinin Qazax rayonunun Yuxarı Salahlı, Aslanbəyli və II Şıxlı kəndlərində qaz təchizatının müvəqqəti dayandırılması planlaşdırılır.

Qeyd olunub ki, işlər başa çatdıqdan sonra qazın verilişi bərpa ediləcək.

Xatırladaq ki, daha əvvəl Qəbələ rayonun Bum qəsəbəsi, Hacıqabul rayonunun Padar və Ağsu rayonunun Padarqışlaq kəndlərində də mayın 6-da saat 10:00-dan etibarən qaz təchizatında müvəqqəti fasilə yaranacağı barədə açıqlama verilmişdi.

Xəbər maraqlı gəlib? Sosial şəbəkələrdə paylaşın