İran Hörmüzdən qazanc əldə etməyə başladı

İran rəhbərliyi tarixində ilk dəfə Hörmüz boğazından hərəkət edən gəmilərə tətbiq olunan rüsumlar vasitəsilə qazanc təmin edib.

Gundem.today xəbər verir ki, məsələ ilə bağlı İran Məclisinin (parlamentin) sədr müavini Hacı Babai məlumat yayıb.

O bildirib ki, Hörmüz boğazındakı keçid ödənişlərindən formalaşan ilkin vəsait artıq Mərkəzi Bankın balansına əlavə olunub.

Bundan əvvəl İranın xarici siyasət idarəsinin rəhbəri Abbas Əraqçı Hörmüz boğazının ticarət gəmilərinin hərəkəti məqsədilə açıq olduğunu bəyan etmişdi. Öz növbəsində, Vaşinqton yekun müqavilə imzalanana qədər rəsmi Tehrana yönəlik dəniz embarqosunun saxlanılacağını diqqətə çatdırmışdı. Bir müddət sonra isə İslam İnqilabı Keşikçiləri Korpusunun (SEPAH) Hərbi Dəniz Qüvvələri tərəfindən ABŞ-nin dəniz embarqosu tam ləğv edilməyənə kimi İranın boğazı qapatdığı bildirildi. SEPAH dəniz nəqliyyatı şirkətlərini İranın təlimatlarına qeyd-şərtsiz əməl etməyə dəvət etdi və Amerika Birləşmiş Ştatlarının Prezidenti Donald Trampın boğazdakı vəziyyət barədə fikirlərini "əsassız" olaraq qiymətləndirdi.

Xəbər maraqlı gəlib? Sosial şəbəkələrdə paylaşın