"Qarabağ" intizamı pozan Elvin Cəfərquliyevi satışa çıxarıb? - AÇIQLAMA

Bir neçə gün əvvəl Qurban Qurbanov tərəfindən əvəzedici heyətə göndərilən Elvin Cəfərquliyevlə bağlı qərar verilib.

Gundem.today Sportal.az-a istinadən xəbər verir ki, "Qarabağ" klubu millimizin üzvünü satışa çıxarıb.

Artıq bununla bağlı həm futbolçunun özünə, həm də menecerlərə məlumat verilib. "Qarabağ" yayda onu satmağa hazırdır.

Bu məlumatla əlaqədar Gundem.today-ın sorğusuna cavab olaraq klubun mətbuat xidmətindən isə bildirilib ki, futbolçunun satışı ilə bağlı rəsmi hər hansı addım olarsa ictimaiyyətə açıqlanacaq.

Qeyd edək ki, Elvin Cəfərquliyev və Abbas Hüseynov nizam-intizam qaydalarını pozduqları üçün əsas heyətdən uzaqlaşdırılıblar.

Xəbər maraqlı gəlib? Sosial şəbəkələrdə paylaşın