Şamil Ayrım: "Türkiyə Azərbaycanın istəmədiyi heç bir prosesin içində yer almır"

"Regional məsələlər bölgə ölkələrinin iradəsi ilə həll edilməlidir. Bu çərçivədə Azərbaycan və Ermənistan arasında sülhə yönələn müzakirələri yaxından izləyirik".

Gundem.today xəbər verir ki, bunu Türkiyə-Azərbaycan parlamentlərarası dostluq qrupunun rəhbəri Şamil Ayrım Milli Məclisdə Azərbaycan-Türkiyə-Şimalı Kipr Türk Respublikası parlamentlərarası əlaqələr üzrə İşçi qrupunun 3-cü iclasında deyib.

O bildirib ki, Türkiyə Azərbaycanın istəmədiyi heç bir prosesin içində yer almır:

"Ermənistanla Azərbaycan arasında problemlər tamamilə aradan qalxandan sonra Türkiyə də Ermənistanla sərhədlərini açacaq. Regionda davamlı sülhün yolu buradan keçir. Çünki bir ölkənin konstitusiyasında başqa ölkəyə torpaq iddiası varsa, bununla davamlı sülhə nail olmaq mümkün deyil", - deyə türkiyəli deputat vurğulayıb.

Xəbər maraqlı gəlib? Sosial şəbəkələrdə paylaşın