Trampı hədələyən silahlı gənc saxlanıldı - Arxasında gizli qüvvə varmı?

ABŞ Prezidenti Donald Trampa qarşı sosial şəbəkələrdə təhdid mesajı yazan ölkə vətəndaşı həbs edilib.

Gundem.today xəbər verir ki, bu barədə "Newsweek" məlumat yayıb.

Bildirilib ki, 20 yaşlı Nik Quadalupe ("Kruz-Lopez") internet platformasında "AR-15" markalı silahla çəkdirdiyi şəklini yayımlayıb və Trampa yönəlik hədələyici sözlər yazıb.

Florida ştatının Orta Dairə Prokurorluğu tərəfindən verilən açıqlamada həmin şəxsin aprel ayının 2-də hüquq-mühafizə orqanları tərəfindən tutulduğu bildirilir. Əgər ittihamlar təsdiqini taparsa, onu maksimum beş il müddətinə azadlıqdan məhrumetmə cəzası gözləyir.

Gənci buna sövq edən qüvvələrin olub-olmaması da araşdırılır.

Xatırladaq ki, bundan öncə ABŞ-nin dövlət başçısına qarşı sui-qəsd cəhdi etməkdə günahlandırılan Rayan Rout adlı ABŞ vətəndaşı məhkəmənin qərarı ilə ömürlük həbs olunub.

Xəbər maraqlı gəlib? Sosial şəbəkələrdə paylaşın